ਜਾਣਕਾਰੀ ਦਿੱਤੀ ਤਾਂ ਸੁਮੇਧ ਸੈਣੀ ਦੀ ਜਾਨ ਨੂੰ ਹੋਵੇਗਾ ਖਤਰਾ

ਪੰਜਾਬ ਵਿਜੀਲੈਂਸ ਬਿਊਰੋ ਦੇ ਡਾਇਰੈਕਟਰ ਜਨਰਲ ਸੁਮੇਧ ਸਿੰਘ ਸੈਣੀ ਦੇ ਵੱਖ-ਵੱਖ ਜ਼ਿਲਿਆਂ ਤੇ ਚੰਡੀਗੜ੍ਹ ਦੇ ਐਸ ਪੀ ਜਾਂ ਐਸ ਐਸ ਪੀ ਰਹਿੰਦੇ ਇਨ੍ਹਾਂ ਜ਼ਿਲਿਆਂ ‘ਚ ਪੁਲਸ ਮੁਠਭੇੜ ‘ਚ ਮਾਰੇ ਗਏ ਲੋਕਾਂ ਦੇ ਸਬੰਧ ‘ਚ ਜਾਣਕਾਰੀ ਦਿੱਤੀ ਜਾਂਦੀ ਹੈ ਤਾਂ ਸੈਣੀ ਦੀ ਜਾਨ ਨੂੰ ਖਤਰਾ ਹੋ ਸਕਦਾ ਹੈ। ਇਹ ਕਹਿਣਾ ਹੈ ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਦੇ ਸੂਚਨਾ ਅਧਿਕਾਰੀ ਦਾ। ਸੂਚਨਾ ਅਧਿਕਾਰੀ ਨੇ ਮੋਹਾਲੀ ਵਾਸੀ ਵਿਜੇ ਕੁਮਾਰ ਜੰਜੂਆ ਵਲੋਂ ਸੂਚਨਾ ਦਾ ਅਧਿਕਾਰ ਐਕਟ ਤਹਿਤ ਮੰਗੀ ਜਾਣਕਾਰੀ ‘ਚ ਇਹ ਜਵਾਬ ਦਿੱਤਾ ਹੈ। ਹੁਣ ਮਾਮਲਾ ਸੂਚਨਾ ਕਮਿਸ਼ਨ ਤੱਕ ਪਹੁੰਚ ਚੁੱਕਾ ਹੈ।

ਮਿਲੀ ਜਾਣਕਾਰੀ ਮੁਤਾਬਕ ਜੰਜੂਆ ਨੇ ਬੀਤੇ ਵਰ੍ਹੇ 20 ਮਈ ਨੂੰ ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਦੇ ਸੁਪਰਡੈਂਟ ਤੇ ਸੂਚਨਾ ਅਧਿਕਾਰੀ ਤੋਂ ਹੇਠ ਲਿਖੇ 11 ਪੁਆਇੰਟਾਂ ‘ਤੇ ਜਾਣਕਾਰੀ ਮੰਗੀ ਸੀ:

* ਉਨ੍ਹਾਂ ਜ਼ਿਲਿਆਂ ਦੇ ਨਾਂ ‘ਤੇ ਸਮਾਂ ਸੀਮਾ, ਜਿਨ੍ਹਾਂ ‘ਚ ਸੁਮੇਧ ਸਿੰਘ ਸੈਣੀ ਦੀ ਐਸ ਪੀ ਜਾਂ ਐਸ ਐਸ ਪੀ ਦੇ ਰੂਪ ‘ਚ ਨਿਯੁਕਤੀ ਕੀਤੀ ਗਈ।
* ਇਨ੍ਹਾਂ ਜ਼ਿਲਿਆਂ ਦੇ ਪ੍ਰਮੁੱਖ ਰਹਿੰਦੇ ਹੋਏ ਉਨ੍ਹਾਂ ਖਾੜਕੂਆਂ, ਜਿਨ੍ਹਾਂ ਨੂੰ ਮੁਠਭੇੜ ‘ਚ ਮਾਰਿਆ ਗਿਆ, ਦੇ ਨਾਂ, ਪਿਤਾ ਦਾ ਨਾਂ ਤੇ ਪੂਰਾ ਪਤਾ।
* ਇਨ੍ਹਾਂ ਮੁਠਭੇੜਾਂ ਬਾਬਤ ਲਿਖੀ ਗਈ ਐਫ ਆਈ ਆਰ ਦੀ ਕਾਪੀ ਤੇ ਉਨ੍ਹਾਂ ਮਾਮਲਿਆਂ ਦੀ ਸੂਚੀ, ਜਿਨ੍ਹਾਂ ‘ਚ ਐਫ ਆਈ ਆਰ ਨਹੀਂ ਲਿਖੀ ਗਈ ਅਤੇ ਐਫ ਆਈ ਆਰ ਨਾ ਲਿਖੇ ਜਾਣ ਦਾ ਕਾਰਨ।
* ਸੈਣੀ ਦੇ ਜ਼ਿਲਾ ਪੁਲਸ ਮੁੱਖੀ ਰਹਿੰਦੇ ਹੋਏ ਹਿਰਾਸਤ ਤੋਂ ਭੱਜੇ ਖਾੜਕੂਆਂ ਦੇ ਨਾਂ, ਪਿਤਾ ਦਾ ਨਾਂ ਤੇ ਪਤਾ।
* ਇਨ੍ਹਾਂ ਸਾਰੇ ਮਾਮਲਿਆਂ ‘ਚ ਰਜਿਸਟਰਡ ਐਫ ਆਈ ਆਰ ਦੀ ਕਾਪੀ।
* ਮੁਠਭੇੜ ‘ਚ ਮਾਰੇ ਜਾਂ ਪੁਲਸ ਹਿਰਾਸਤ ਤੋਂ ਭੱਜੇ ਖਾੜਕੂਆਂ, ਜਿਨ੍ਹਾਂ ਬਾਬਤ ਐਫ ਆਈ ਆਰ ਦਰਜ ਕੀਤੀ ਗਈ ਸੀ, ਦੀ ਜਾਂਚ ਮੌਜੂਦਾ ਸਥਿਤੀ ਤੇ ਉਨ੍ਹਾਂ ਮਾਮਲਿਆਂ ਦੀ ਜਾਣਕਾਰੀ, ਜਿਨ੍ਹਾਂ ‘ਚ ਪੁਲਸ ਨੇ ਅਦਾਲਤ ‘ਚ ਸੀ ਆਰ ਪੀ ਸੀ ਦੀ ਧਾਰਾ 173 ਦੇ ਤਹਿਤ ਰਿਪੋਰਟ ਦਿੱਤੀ ਹੈ।
* ਸੈਣੀ ਦੇ ਜ਼ਿਲਾ ਮੁੱਖੀ ਰਹਿੰਦੇ ਐਕਸਟ੍ਰਾ ਜੁਡੀਸ਼ੀਅਲ ਕਿਲਿੰਗ ਦੀ ਪੂਰੀ ਸੂਚਨਾ ਤੇ ਵੇਰਵਾ।
* ਵੱਖ-ਵੱਖ ਖਾੜਕੂਆਂ ਦੇ ਸਿਰ ‘ਤੇ ਰੱਖੇ ਇਨਾਮ ਵਿੱਚੋਂ ਸੁਮੇਧ ਸਿੰਘ ਸੈਣੀ ਵਲੋਂ ਪ੍ਰਾਪਤ ਪੁਰਸਕਾਰ ਰਾਸ਼ੀ।
* ਕੀ ਕਿਸੇ ਅੱਤਵਾਦੀ ਨੂੰ ਮਾਰਨ ਲਈ ਸੈਣੀ ਨੂੰ ਕਦੇ ਬਹਾਦਰੀ ਪੁਰਸਕਾਰ ਨਾਲ ਸਨਮਾਨਤ ਕੀਤਾ ਗਿਆ? ਜੇ ਹਾਂ ਤਾਂ ਉਸ ਮੁਠਭੇੜ ਦਾ ਵੇਰਵਾ, ਜਿਸ ਦੇ ਲਈ ਸੈਣੀ ਨੂੰ ਪੁਰਸਕਾਰ ਰਾਸ਼ੀ ਜਾਂ ਬਹਾਦਰੀ ਪੁਰਸਕਾਰ ਦਿੱਤਾ ਗਿਆ ਅਤੇ ਜਾਂ ਬਹਾਦਰੀ ਪੁਰਸਕਾਰ ਦਿੱਤੇ ਜਾਣ ਦੀ ਸਿਫਾਰਸ਼।
* ਚੰਡੀਗੜ੍ਹ ਦੇ ਐਸ ਐਸ ਪੀ ਦੇ ਅਹੁਦੇ ‘ਤੇ ਰਹਿੰਦੇ ਹੋਏ ਸੈਣੀ ਵਲੋਂ ਸੈਨਾ ਦੇ ਕਰਨਲ ਦੀ ਕੁਟਾਈ ਦੀ ਜਾਂਚ ਰਿਪੋਰਟ ਤੇ ਸਰਕਾਰ ਵੱਲੋਂ ਸੈਣੀ ਦੇ ਖਿਲਾਫ ਇਸ ਮਾਮਲੇ ‘ਚ ਸਰਕਾਰ ਵੱਲੋਂ ਕੀਤੀ ਗਈ ਕਾਰਵਾਈ।
* ਇਸ ਮਾਮਲੇ ਦੇ ਬਾਅਦ ਸੈਣੀ ਦੀ ਏ ਸੀ ਆਰ ‘ਚ ਕੀਤੀ ਐਂਟਰੀ, ਜਿਸ ‘ਚ ਸੈਣੀ ਦੇ ਕਿਸੇ ਪਬਲਿਕ ਡੀਲਿੰਗ ਅਹੁਦੇ ‘ਤੇ ਨਿਯੁਕਤੀ ਮਨ੍ਹਾ ਕੀਤੀ ਗਈ ਸੀ, ਇਸ ਏ ਸੀ ਆਰ ਦੀ ਕਾਪੀ।

ਸੂਚਨਾ ਅਧਿਕਾਰੀ ਵਲੋਂ ਲਗਭਗ ਇਕ ਸਾਲ ਤੱਕ ਜੰਜੂਆ ਨੂੰ ਜਵਾਬ ਨਾ ਦਿੱਤੇ ਜਾਣ ਦੇ ਬਾਅਦ ਜੰਜੂਆ ਨੇ ਬੀਤੀ 25 ਅਗਸਤ ਨੂੰ ਰਾਜ ਸੂਚਨਾ ਕਮਿਸ਼ਨ ਦੇ ਸਾਹਮਣੇ ਸੂਚਨਾ ਦਾ ਅਧਿਕਾਰ ਐਕਟ ਦੀ ਧਾਰਾ 18 ਦੇ ਤਹਿਤ ਸ਼ਿਕਾਇਤ ਦਰਜ ਕਰਵਾਈ ਸੀ। ਇਸ ਸ਼ਿਕਾਇਤ ‘ਤੇ ਬੀਤੇ ਦਿਨੀਂ ਸੁਣਵਾਈ ਦੌਰਾਨ ਸੂਚਨਾ ਅਧਿਕਾਰੀ ਨੇ ਕਮਿਸ਼ਨ ਨੂੰ ਕਿਹਾ ਕਿ ਉਕਤ ਜਾਣਕਾਰੀ ਐਕਟ ਦੀ ਧਾਰਾ (1) (ਜੀ) ਦੇ ਤਹਿਤ ਛੋਟ ਪ੍ਰਾਪਤ ਹੈ, ਕਿਉਂਕਿ ਜੇ ਇਹ ਜਾਣਕਾਰੀ ਦਿੱਤੀ ਜਾਂਦੀ ਹੈ ਤਾਂ ਇਸ ਨਾਲ ਸੈਣੀ ਦੀ ਜਾਨ ਨੂੰ ਖਤਰਾ ਹੋ ਸਕਦਾ ਹੈ। ਕਮਿਸ਼ਨ ਦੇ ਸੂਚਨਾ ਕਮਿਸ਼ਨਰ ਨੂੰ ਬੀ ਸੀ ਠਾਕੁਰ ਅਤੇ ਪੀ ਪੀ ਐਸ ਗਿੱਲ ਨੇ ਆਪਣੇ ਆਦੇਸ਼ ‘ਚ ਕਿਹਾ ਕਿ ਕਿਉਂਕਿ ਅਰਜ਼ੀਕਾਰ ਨੇ ਮੁੱਢਲੀ ਐਪਿਲੇਟ ਅਥਾਰਟੀ ਦਾ ਸਹਾਰਾ ਨਹੀਂ ਲਿਆ, ਇਸ ਲਈ ਕਮਿਸ਼ਨ ਨੇ ਪ੍ਰਥਮ ਐਪਿਲੇਟ ਅਥਾਰਟੀ ਤੇ ਪੰਜਾਬ ਸਰਕਾਰ ਦੇ ਪ੍ਰਧਾਨ ਸਕੱਤਰ ਗ੍ਰਹਿ ਤੇ ਨਿਆ ਡੀ ਐਸ ਬੈਂਸ ਨੂੰ ਜੰਜੂਆ ਦੀ ਐਪਲੀਕੇਸ਼ਨ ਭੇਜਦੇ ਹੋਏ ਇਹ ਨਿਰਦੇਸ਼ ਦਿੱਤੇ ਕਿ ਉਹ ਇਸ ਐਪਲੀਕੇਸ਼ਨ ਨੂੰ ਪਹਿਲੀ ਅਪੀਲ ਮੰਨਦੇ ਹੋਏ ਇਸ ਦਾ ਨਿਪਟਾਰਾ ਆਉਂਦੇ 30 ਦਿਨਾਂ ‘ਚ ਕਰਨ।

2 Responses to “ਜਾਣਕਾਰੀ ਦਿੱਤੀ ਤਾਂ ਸੁਮੇਧ ਸੈਣੀ ਦੀ ਜਾਨ ਨੂੰ ਹੋਵੇਗਾ ਖਤਰਾ”

  1. Mr WordPress says:

    Hi, this is a comment.
    To delete a comment, just log in and view the post's comments. There you will have the option to edit or delete them.

  2. DONNIE says:


    PillSpot.org. Canadian Health&Care.No prescription online pharmacy.Best quality drugs.Special Internet Prices. No prescription pills. Buy pills online

    Buy:Acomplia.SleepWell.Lipothin.Wellbutrin SR.Zocor.Prozac.Nymphomax.Amoxicillin.Advair.Lasix.Aricept.Female Pink Viagra.Seroquel.Ventolin.Zetia.Benicar.Lipitor.Buspar.Cozaar.Female Cialis….

Leave a Reply