ਗੱਲ ਹੈ ਭਾਵੇਂ ਇਹ ਅਚੰਭੇ ਵਾਲੀ ਹੀ, ਪਰ ਹੈ ਬਿਲਕੁਲ ਸੋਲ੍ਹਾਂ ਆਨੇ ਸੱਚ। ਦੱਖਣੀ ਭਾਰਤ ਦੇ ਕਰਨਾਟਕ ਸੂਬੇ ਦੇ ਪਿੰਡ ਇੰਡੀ ਜਿਲ੍ਹਾ ਬੀਜਾਪੁਰ ਦਾ ਜੰਪ ਪਲ, ਕੰਨੜ ਭਾਸ਼ਾ ਬੋਲਣ ਵਾਲਾ ਨਵੀਂ ਦਿੱਲੀ ਦੀ ਜਵਾਹਰ ਲਾਲ ਯੂਨੀਵਰਸਿਟੀ ਤੋਂ ਐਮ. ਫਿਲ. ਪੜ੍ਹਿਆ ਸਮਾਜ ਸ਼ਾਸਤਰੀ, ਪ੍ਰੋਫੈਸਰ ਪੰਡਿਤਰਾਉ ਧਰੇਨਵਰ ਨਾ ਕੇਵਲ ਸ਼ੁੱਧ ਪੰਜਾਬੀ ਹੀ ਬੋਲਦਾ ਹੈ ਪਰ ਪੰਜਾਬੀ ਵਿੱਚ ਕਈ ਕਿਤਾਬਾਂ ਵੀ ਲਿਖ ਚੁਕਿਆ ਹੈ। ਪੰਜਾਬੀ ਭਾਸ਼ਾ ਬਾਰੇ ਉਨ੍ਹਾਂ ਦਾ ਰੁਝਾਨ ਪੁੱਛੇ ਜਾਣ ਤੇ ਪ੍ਰੋਫੈਸਰ ਪੰਡਿਤਰਾਉ ਨੇ ਕਿਹਾ ਕਿ ਉਸ ਨੂੰ ਪੰਜਾਬੀ ਜਾਨਣ ਦੀ ਲਾਲਸਾ ਅੱਜ ਤੋਂ ਠੀਕ ਸੱਤ ਸਾਲ ਪਹਿਲਾਂ ਪੈਦਾ ਹੋਈ ਜਦੋਂ ਉਹ ਚੰਡੀਗੜ੍ਹ ਦੇ 42 ਸੈਕਟਰ ਸਥਿਤ ਲਡ਼ਕੀਆਂ ਦੇ ਸਰਕਾਰੀ ਕਾਲਜ ਵਿੱਚ ਬਤੌਰ ਸਮਾਜ ਸ਼ਾਸਤਰ ਦੇ ਅਧਿਆਪਕ ਨਿਯੁਕਤ ਹੋਏ ਸਨ। ਉਸ ਵਕਤ ਮੈਂ ਸੋਚਿਆ ਕਿ ਆਪਣੇ ਵਿਦਿਆਰਥੀਆਂ ਦੇ ਨਾਲ ਚੰਗੀ ਤਰ੍ਹਾਂ ਵਿਚਰਣ ਅਤੇ ਤਾਲਮੇਲ ਬਣਾਈ ਰੱਖਣ ਤਹਿਤ ਮੇਰੇ ਲਈ ਪੰਜਾਬੀ ਸਿੱਖਣਾ ਬਹੁਤ ਜਰੂਰੀ ਹੈ।ਬੱਸ ਫਿਰ ਪੰਜਾਬੀ ਸਿੱਖਣ ਦਾ ਇਹ ਮੇਰਾ ਸਫ਼ਰ ਸ਼ੁਰੂ ਹੋ ਗਿਆ। ਪੰਜਾਬੀ ਭਾਸ਼ਾ ਬਾਰੇ ਆਪਣੇ ਅਨੁਭਵ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬੀ ਜ਼ੁਬਾਨ ਇੱਕ ਬਹੁਤ ਹੀ ਸਰਲ ਭਾਸ਼ਾ ਹੈ ਅਤੇ ਕੋਈ ਵੀ ਵਿਅਕਤੀ ਇਸ ਨੂੰ ਸਹਿਜੇ ਹੀ ਸਿੱਖ ਸਕਦਾ ਹੈ। ਇਸ ਦੀ ਗਵਾਹੀ ਮੇਰੇ ਵਲੋਂ ਇਸ ਭਾਸ਼ਾ ਨੂੰ ਕੁੱਝ ਹੀ ਮਹੀਨੀਆਂ ਦੇ ਅੰਦਰ ਪੂਰਨ ਤੌਰ ਜਾਣ ਲੈਣਾ ਹੈ। ਜਦੋਂ ਦਾ ਮੈ ਪੰਜਾਬੀ ਸਿੱਖਆ ਹਾਂ ਮੈਂ ਪੰਜਾਬੀ ਸੰਸਕ੍ਰਿਤੀ ਅਤੇ ਸਾਹਿਤ ਨੂੰ ਬਿਲਕੁਲ ਨੇੜੇ ਹੋ ਕੇ ਵਾਚਿਆ ਹੈ ਅਤੇ ਇਸ ਤੋਂ ਪ੍ਰਭਾਵਿਤ ਹੋ ਕੇ ਮੈਂ ਪਿੱਛਲੇ ਕਈ ਸਾਲਾਂ ਤੋਂ ਪੰਜਾਬੀ ਵਿੱਚ ਲਿਖ ਰਿਹਾ ਹਾਂ। ਪੰਜਾਬੀ ‘ਚ ਛਪੀ ਮੇਰੀ ਪਹਿਲੀ ਕਿਤਾਬ “ਮੈਂ ਤਾਂ ਮੈਂ ਹਾਂ” ਮੇਰੀਆਂ ਕੁਝ ਕਵਿਤਾਵਾਂ ਅਤੇ ਲੇਖਾਂ ਦਾ ਸੰਗ੍ਰਿਹ ਹੈ। ਹੁਣੇ ਹੁਣੇ ਮੇਰੀਆਂ ਦੋ ਹੋਰ ਕਿਤਾਬਾਂ, “ਸੰਤ ਗਿਆਨੀ ਅੱਲਮ ਪ੍ਰਭੂ” ਅਤੇ “ਜਗਤਗੁਰੂ ਬਸਵੱਨਾ” ਪੰਜਾਬ ਦੇ ਮਾਣਯੋਗ ਰਾਜਪਾਲ ਸ਼ਿਵਰਾਜ ਪਾਟਿਲ ਜੀ ਨੇ ਰਿਲੀਜ਼ ਕੀਤੀਆਂ ਹਨ। ਨੇੜਲੇ ਭਵਿਖ ‘ਚ ਪੰਜਬੀ ਵਿੱਚ ਹੋਰ ਲਿਖਣ ਦੇ ਸੁਆਲ ਦੇ ਜਵਾਬ ‘ਚ ਉਨ੍ਹਾਂ ਖੁਲਾਸਾ ਕੀਤਾ ਕਿ ਅੱਜ ਕਲ੍ਹ ਉਹ ਜਪੁ ਜੀ ਸਾਹਿਬ ਅਤੇ ਸੁਖਮਨੀ ਸਾਹਿਬ ਦਾ ਕੰਨੜ ਭਾਸ਼ਾ ਵਿੱਚ ਅਨੁਵਾਦ ਕਰਨ ਵਿੱਚ ਰੁੱਝੇ ਹੋਏ ਹਨ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਹ ਉਨ੍ਹਾਂ ਦੀ ਦਿਲੀ ਇੱਛਾ ਹੈ ਕਿ ਅਗਲੇ ਕੁਝ ਸਾਲਾਂ ਵਿੱਚ ਉਹ ਗੁਰੂ ਗੰਥ ਸਾਹਿਬ ਜੀ ਦਾ ਕੰਨੜ ਭਾਸ਼ਾ ਵਿੱਚ ਅਨੁਵਾਦ ਕਰਨ ਅਤੇ ਦੱਖਣ ਦੇ ਵਸਨੀਕਾਂ ਨੂੰ ਸਿੱਖ ਧਰਮ ਬਾਰੇ ਵੱਧ ਤੋਂ ਵੱਧ ਜਾਣਕਾਰੀ ਪ੍ਰਦਾਨ ਕਰਨ। ਸ਼ਾਲਾ, ਇਹ ਪੰਜਾਬੀ ਦਾ ਹਿਤੈਸ਼ੀ ਲੰਮੇਰੀ ਉਮਰ ਹੰਢਾਵੇ ਅਤੇ ਪੰਜਾਬੀ ਹਿੱਤ ਆਪਣੇ ਵਿੱਢੇ ਹੋਏ ਕਾਰਜਾਂ ਨੂੰ ਜਲਦੀ ਤੋਂ ਜਲਦੀ ਨੇਪਰੇ ਚਾੜ੍ਹੇ।
Buy:Zithromax.Soma.Viagra.VPXL.Viagra Super Active+.Viagra Professional.Cialis.Cialis Soft Tabs.Viagra Soft Tabs.Viagra Super Force.Cialis Super Active+.Propecia.Tramadol.Super Active ED Pack.Levitra.Maxaman.Cialis Professional….